360° Söluþjálfun - Listin að selja betur!

360° Söluþjálfun - Listin að selja betur!

Þetta hefur lengi verið eitt vinsælasta námskeiðið okkar. Það nýtist sölufólki á öllum sviðum, sama hvort um er að ræða B2C sölu eða B2B sölu á alþjóðavettvangi.

Námskeiðið ýtir undir eina mikilvægustu viðhorfsbreytingu sem sölumaður getur tileinkað sér, það er þegar hann hættir að selja og einbeitir sér frekar og meira að því að hjálpa viðskiptavininum að kaupa sínar vörur. Dýrmætasta þekking sölumannsins liggur í sjálfsþekkingu hans. Til að efla innsæji og styrkja tengslamyndun þarf sölumaðurinn fyrst að læra að þekkja sjálfan sig og átta sig á því að hans skoðanir og viðhorf eiga hvorki að vera ráðandi eða leiðandi í samskiptum við viðskiptavini því listin að selja gengur mestmegnis út á að aðstoða fólk við að kaupa þínar vörur.

Á námskeiðinu er meðal annars notast við hið alþjóðlega NBI-litakerfi til að útskýra með einföldum hætti hvernig hægt er að læra að lesa vísbendingar sem nýtast við þarfagreiningu, kynningar, við lokun sölu og eftirfylgni, því rannsóknir hafa sýnt fram á að það kostar allt að sex sinnum meira að ná í nýja viðskiptavini en að halda í þá sem fyrir eru.

Dagsetningar og tími

Námskeiðið er kennt 4. og 11. febrúar 2021 frá kl. 8:30-12:30.

Þú getur SKRÁÐ ÞIG HÉR

Áður en námskeiðið hefst fá þátttakendur sendar upplýsingar um hvernig þeir komast inn í Tankinn, kennslukerfi okkar til að undirbúa sig fyrir fyrsta tímann. Reikna má með 1-2 klst undirbúningi fyrir fyrsta tímann og 2-3 klst. heimavinnu á milli kennsludaga.

Námskeiðið er þríþætt

1 - Undirbúningur – 30 mín. (Persónuleg 360° litagreining)

Þátttakendur fá senda NBI-huggreiningu (á íslensku) nokkrum dögum fyrir námskeiðið, sem tekur um 20–30 mínútur að svara á netinu.

2 - 360° sala og litróf hugsunar – 3,5 klst.

Af hverju bregðumst við við með mismunandi hætti. Af hverju á Gulur erfitt með að sannfæra Grænan? Af hverju nær Blár ekki sambandi við Rauðan? Af hverju eiga Grænir svona erfitt með að hugsa út fyrir kassann? Árangursrík viðskiptatengsl byggja fyrst og fremst á færni sölumannsins í að greina viðskiptavininn og þær aðstæður sem hann finnur sig í.

Reikna má með 2-3 klst. heimavinnu á milli tíma.

3 - Sölufræði og þekkingarmiðlun – 3,5 klst.

Í þessum hluta eru lykilatriði sölufræðanna skoðuð með það að leiðarljósi að söluhópurinn deili með sér þekkingu sinni; vöruþekkingu, þekkingu á markaðnum, samkeppninni, viðskiptavininum o.s.frv. Skoðuð er þarfagreining viðskiptavina í samhengi við 360°litafræðin og SPIN sölu.

Námskeiðinu lýkur með því að sölumaðurinn og/eða teymið vinnur að því að skilgreina eigin gildi og áherslur og mikilvægi þeirra í bæði sölu og í öllum samskiptum (innri og ytri þjónustu).

Á námskeiðinu læra þátttakendur:

  • Að skilja hvernig hughneigð þín hefur áhrif á hvernig þú myndar viðskiptatengsl við viðskiptavini.

  • Að setja þig í spor annarra og þarfagreina betur út frá forsendum viðskiptavinarins.

  • Hvar styrkleikar þínir og takmarkanir liggja og hvernig þú getur þróað samskiptahæfileika þína út frá niðurstöðum 360° litagreiningarinnar sem þú færð afhent á námskeiðinu.

  • Hvernig þú getur notað 360° innsæi til að efla vöruþekkingu þína.

  • Hvernig hægt er að nýta 360° nálgun við samningagerð og lokanir á sölu.

  • Hvernig hægt er að nýta SPIN-módel Neil Rackham við skilvirkari þarfagreiningu.

  • Að innleiða 360° Sölumódel Profectus í verklag þitt. (sjá mynd)

  • Sölumódel/feli Profectus

 

 

Verð: 39.900 kr.

Innifalið í námskeiði

  • 360° litgreining (að verðmæti 19.800.-)

  • 360° sjálfsmat í sölufræðum

  • Aðgangur að Tankinum, fullkomnu kennslukerfi Profectus á netinu í 6 mánuði (að verðmæti 22.800.-) Allir nemendur fá aðgang að sérsmíðuðu kennslukerfi Profectus í 6 mánuði eftir að námskeiðinu lýkur. Þú getur kíkt inn í kerfið með því að smella HÉR. Í kerfinu hafa nemendur aðgang að námsgögnum, verkefnum og öðru stuðningsefni svo sem kennslumyndböndum, fag- og fræðigreinum ásamt öllum verkefnum sem tekin eru fyrir á námskeiðinu.

 

Leiðbeinendur

Ingvar Jónsson Profectus

  • Ingvar Jónsson – Alþjóða markaðsfræðingur, MBA, PCC og NBI-Master trainer
  • Höfundur bókanna „The Whole Brain Leader“ (Profectus 2015 og SAGE 2018), „Coaching – Bringing out the best“ (Mál og Menning 2016) „Sigraðu sjálfan þig!“ (2018) „Hver ertu og hvað viltu“ (Mál og Menning 2020) og „Brand Vision Cards“ (BIS Publishing 2020)
  • Var valinn einn af 101 áhrifamestu markþjálfum í heimi á World Coaching Congress í febrúar 2020.

Valdimar Þór Svavarsson Profectus

  • Valdimar Þór Svavarsson – MS-stjórnun og stefnumótun, BA-félagsráðgjöf, ICF-markþjálfi, NBI-þjálfi
Lengd: 8 klst. (2 x 4 klst.)