Framhaldsnám í markþjálfun

Langar þig að taka markþjálfann ALLA LEIÐ?

Framhaldsnám í markþjálfun hjá Profectus er fyrir þá sem hafa lokið við a.m.k. 60 klst. ICF-vottuðu grunnnámi í markþjálfun frá ICF-vottuðum fræðsluaðila (Profectus, HR eða Evolvia) og hafa markþjálfað a.m.k. 50 klst. við upphaf náms. 

Námið er fullnægjandi undirbúningur fyrir bæði ACC og PCC vottum. Kennarar í náminu hafa allir PCC vottun frá ICF.

Eftir námið hefur þú:

  • Öðlast djúpan skilning og þekkingu á hvernig þú beitir öllum 11 hæfnisþáttum ICF
  • Lært fjölmargar nýjar og skilvirkar aðferðir til að hjálpa markþegum þínum að ná meiri árangri
  • Öðlast hugrekki til að markþjálfa beint að kjarna (ZOUD)
  • Öðlast dýpri skilning á ýmsum birtingamyndum meðvirkni sem standa í vegi fyrir framförum og árangri
  • Fengið þekkingu og reynslu í teymisþjálfun frá reyndum teymisþjálfara
  • Fengið þá 10 mentormarkþjálfunartíma sem þarf fyrir ACC og PCC vottun
  • Fengið a.m.k. sex skriflegar endurgjafir á þína markþjálfun frá PCC vottuðum markþjálfa
  • Lokið þeim 125 ACTP tímum (Accredited Coach Training Program) tímum sem þarf til að sækja um ACC og PCC vottun hjá International Coaching Federation
  • Lokið þeim 100 markþjálfunartímum sem þarf til að sækja um vottun hjá ICF.

Kennslan og allar skyggnur eru á íslensku en námsefnið er að öðru leyti mestmegnis á ensku. 

Dagsetningar kennslu: Fyrri lota: fim. 17., fös. 18. og lau. 19. október. Seinni lota: fim. 28., fös. 29. og lau. 30. nóvember.

Tími: Kennt er frá 8:30 - 17:00 alla dagana.

Menntormarkþjálfun: hefst í janúar 2020 og lýkur í mars 2020 

Útskrift: Apríl 2020

Fjöldi: Að hámarki eru teknir 12 þátttakendur á námskeiðið.

Staðsetning: Kennt er í Kríunesi við Elliðavatn.

Greiðslur námskeiðagjalda

Eftir að skráning hefur borist okkur eru stofnaðar tvær kröfur í heimabanka, ein upp á 50.000,- sem er staðfestingargjald. Þegar það er greitt hefur nemandi tryggt sæti sitt í náminu. Staðfestingargjald er óafturkræft. Seinni krafan er fyrir eftirstöðvum með eindaga tveimur vikum áður en námið byrjar. 

Athygli er vakin á að nemandi sem hættir við þátttöku innan tveggja vikna hefur hvorki rétt til endurgreiðslu á námskeiðsgjaldi né staðfestingargjaldi.

Ef nemandi þarf að hætta við nám innan tveggja vikna eða eftir að nám er hafið, vegna óviðráðanlegra orsaka (til dæmis veikinda eða slyss), getur hann skráð sig í sambærilegt nám innan tveggja ára, sér að kostnaðarlausu. Það þarf að gerast í samráði við okkur og gildir einungis ef ekki er fullbókað á viðkomandi námskeið við upphaf þess. 

Greiðslumöguleikar

Ganga þarf frá greiðslu í síðasta lagi 14. dögum fyrir upphaf námskeiðs.

Við bjóðum upp á eftirfarandi greiðslumöguleika:

1. Innlegg í heimabanka Profectus: 0545 - 26 - 452. Kt: 410304-3760.

2. Fá kröfu í heimabanka einstaklings eða fyrirtækis til að greiða þar. Sendið beiðni á info@profectus.is 

3. VISA eða MasterCard lán (raðgreiðslur) til allt að 36 mánaða. Allur kostnaður við lántöku bætist við námsgjöld.

4. Netgíró https://www.netgiro.is/. Hámarksfjárhæð er 1.000.000 kr. til allt að 24 mánaða.

Innifalið í námskeiði

  • Bókin Challenging Coaching (John Blakey og Ian Day)
  • Bókin The Complete Handbook of Coaching (Elaine Cox, Tatiana Bachkirova og David Clutterbuck)
  • 10 menntormarkþjálfunar tímar frá PCC-vottuðum markþjálfa
  • 4 skriflegar endurgjafir á eigin markþjálfun
  • Vinnubók og annað ítarefni
  • Veitingar á meðan námskeiðadögum stendur, kaffi, meðlæti og hádegisverðir.

Leiðbeinandi

Ingvar Jónsson

  • Ingvar Jónsson - Alþjóða markaðsfræðingur, MBA, PCC og NBI-Master trainer
  • Höfundur bókanna „The Whole Brain Leader (2015)“, „Coaching - Bringing out the best (2016)“ og „Sigraðu sjálfan þig! (2018)“

Örn Haraldsson

  • Örn Haraldsson - PCC-Markþjálfi og teymisþjálfari hjá Kolibri
Lengd: 65 klst
Verð: 448.000 kr.

Næstu námskeið