Teymisþjálfun og breytingastjórnun

Breytingastjórnun og teymisþjálfun

Við hjá Profectus búum yfir víðtækri reynslu í að styðja við fyrirtæki og teymi í að ná og viðhalda árangri. Við getum komið inn á öllum stigum breytingastjórnunar, allt frá undirbúningi til innleiðingar og viðhalds.

Sérstaða okkar og kjarnafærni liggur í því að teymisþjálfarar okkar eru allir PCC-vottaðir markþjálfar, allir með meira en 1000 klst. reynslu í að hjálpa einstaklingum og teymum að ná markmiðum sínum og takast á við breytingar.

Reynsla okkar hefur kennt okkur að þau fyrirtæki sem leggja metnað í að byggja upp sterk og heilbrigð teymi, þar sem styrkleikar hvers og eins fá að njóta sín, uppskera gjarnan samlegðaráhrif og starfsmögnun sem öðrum getur reynst erfitt að keppa við.

Í síbreytilegum heimi viðskipta blasir við sú staðreynd að þau fyrirtæki sem stuðla meðvitað og markvisst að helgun starfsfólks eiga bæði auðveldara með ná og viðhalda árangri. Helgað starfsfólk á það sameiginlegt að hafa jákvætt viðhorf til heildarinnar og er tilfinningalega skuldbundið fyrirtækinu og samstarfsfólki sínu.

Hvað getum við gert fyrir þig?

Þó svo ásetningur með breytingum sé í flestu tilvikum góður þá er staðreyndin sú að þær misheppnast í 70% tilvika (Rick Maurer, Beyound TheWall of Resistance).

Meginástæðurnar fyrir því eru meðal annars:

  • Ófullnægjandi samskipti.
    Algengt er að of mikil áhersla er lögð á hverju og hvernig á að breyta í stað þess að fá fólk um borð. Áhrifaríkara er að leggja ríkari áherslu á að tilgreina ávinning og raunverulegar ástæður fyrir því af hverju breytinga er þörf. „Af hverju?“ er fyrsta spurningin sem þarf að svara!
  • Hagsmunaárekstrar milli laga.
    Viðnám við breytingum má oftast rekja til þess að starfsfólki er eðlislægt að líta á og meta breytingar út frá eigin hagsmunum og egói – „Hvað er í þessu fyrir mig?“.
  • Skortur á leiðtogafærni.
    Í breytingaferli er mikilvægt að þjálfa stjórnendateymið sérstaklega með áherslu á tilfinningagreind og samskiptafærni. Sannur leiðtogi hefur það sem þarf til að afla sér fylgjenda.
  • Óskýr sýn og skortur á skipulagi.
    Algengustu mistökin þegar farið er í breytingar er að fara af stað áður en búið er að skilgreina og skipuleggja alla verkþætti, ábyrgðar- og starfslýsingu lykilmanna og heildstæða samskiptaáætlun. Allt byggir þetta á því að framtíðarsýnin og tilgangur breytinganna sé alveg skýr, ekki bara hvað, hvenær og hvernig á að gera hvað, heldur hvaða jákvæðu afleiðingar breytingarnar koma til með að hafa fyrir fyrirtækið og hvern og einn sem breytingarnar snerta.
  • Skortur á skuldbindingu og stuðning.
    Að fara í gegnum breytingaferli er langhlaup og krefst stöðugrar endurskoðunar, úthalds og þrautseigju. Af þeim sökum er algert lykilatriði að allir sem taka þátt í breytingunum fái bæði aðhald og stuðning frá stjórnendum og/eða reyndum teymisþjálfum af sömu ástæðu og íþróttalið hafa þjálfara, einhvern sem hefur eingöngu hagsmuni heildarinnar að leiðarljósi.

 Ekki hika við að hafa samband við okkur ef þú hefur einhverjar spurningar.