Annað

Eigum við að vera sammála um að vera ósammála?

Flottur og vandaður bolur frá GILDAN (100% Cotton 180 g/m2) með teikningu listamannsins Jim Ridge sem hefur bæði teiknað myndirnar í bækur okkar og einnig í það námsefni sem við notum í markþjálfanáminu hjá okkur og aðra fræðslu.

Það að ekkert hafi aðra merkingu en þá sem við gefum því er varla neitt sem við höfum mikið velt fyrir okkur hingað til en þegar okkur skilst að ekkert er í raun eins og það virðist vera heldur eingöngu okkar eigin hugarsmíð og túlkun á því öðlumst við gjarnan meira umburðarlyndi fyrir því sem á vegi okkar verður.

Margir eyða ótrúlega miklum tíma og orku í að breyta umhverfi sínu og fólkinu sem það umgengst þannig að það falli betur að skoðunum þeirra og sýn á heiminn. Svipar það ekki til vegferðar Don Kíkóta sem barðist við vindmyllurnar – sína eigin hugarsmíð.

Því fylgir mikil frelsun þegar maður hættir að berjast við vindmyllur og einbeitir sér frekar að því að skoða hjá sjálfum sér hinar raunveru- legu ástæður fyrir því sem maður vill. Það er þá sem maður upplifir ró og frið – þegar hinn innri heimur er ekki lengur á skjön við þann ytri.

Að vera sammála um að vera ósammála er ekkert annað er umburðarlyndi - nokkuð sem margir mættu tileinka sér oftar og meira - og koma þannig í veg fyrir fordóma, vanlíðan og almenna fýlu, bæði hjá sjálfum sér og öðrum.