360° Framhaldsnám í markþjálfun

SÉRSTAÐA NÁMSINS:

STÖÐUGAR UMBÆTUR OG FRAMFARIR NEMENDA 

Framhaldsnámið er umfram allt reynslumiðað nám þar sem nemendur eru hvattir til að innleiða lærdóm sinn jafnóðum á meðan náminu stendur. Reynslumiðað nám er hugmyndafræði sem tekin er úr kennslufræðum og felur í sér reynslumiðaðan lærdóm, stöðugt endurmat og ígrundun. Hún byggir alfarið á virkri þátttöku í raunverulegum aðstæðum, frekar en að framfylgja eingöngu leiðbeiningum kennara um hvað eigi að gera og hvernig eigi að gera það sem getur í sumum tilvikum verið í andstöðu við þá hugmyndafræði sem nemendur hafa tileinkað sér áður. Þar læra nemendur að nýta PAMF hringrásina.

PAMF-HRINGRÁSIN (GÆÐAHRINGURINN) 

PAMF-hringrásin er mjög gagnlegt verkfæri til að stuðla að stöðugum og markvissum lærdómi í náminu, sérstaklega þegar verið er að fara inn á og um ótroðnar slóðir og prófa nýja þekkingu nýtt verklag eða nýja hugsun þar sem reynsla og þekking er mögulega ekki til staðar – ennþá.

MYNDRÆN FRAMSETNING NÁMSEFNIS 

Kanadíski listamaðurinn Jim Ridge hefur teiknað tæplega 200 skýringamyndir sem við nýtum í náminu við að miðla fróðleik og dýpka skilning nemenda á efninu. Ríflega 60% nemenda læra best sjónrænt og með þá staðreynd að leiðarljósi leitumst við að hámaka lærdóm og áhugahvöt þeirra.

UNDIRBÚNINGUR OG FYRSTA LOTA 

UNDIRBÚNINGUR 

Viku áður en námið hefst fá nemendur tölvupóst með upplýsingum um hvernig þeir eiga að undirbúa sig áður en námið hefst. Þeir skrá sig inn á „Tankinn“ – stafræna kennslukerfið okkar þar sem bíður þeirra bæði ítarefni til yfirferðar og fræðslumyndbönd til skoðunar og undirbúnings fyrir fyrstu lotuna. Einnig taka nemendur EQi-2.0 tilfinningargreindar greiningu áður en þeir mæta.

FYRSTA LOTA: 

Fyrsta lotan samanstendur af fjórum kennsludögum - frá fimmtudegi fram á sunnudag - þar sem kennt er frá 8:30 til 16:30 alla dagana.

Í fyrstu lotu námsins er megináhersla lögð á að dýpka sjálfsþekkingar- og tilfinningagreind nemenda. Í hlutverki markþjálfa eiga orð gríska heimspekingsins Sókratesar einstaklega vel við: „Sjálfsþekking er grunnur allrar annarrar þekkingar“. Það gerum við með því að bjóða öllum nemendum að taka EQi-2.0 tilfinningargreindar greiningu frá MHS sem greinir 5 lykilþætti og 15 undirþætti tilfinningagreindar. Nemendur fá afhenta 20 bls. skýrslu með sínum EQ-niðurstöðum sem þeir geta auðveldlega nýtt til að efla með markvissum hætti tilfinningagreind sína jafnt og þétt í náminu. Tilfinningagreindin er öflugasta verkfæri markþjálfans.

Í fyrstu lotunni byggjum við traustan grunn með því að dýpka enn frekar skilning nemenda á þeim 8 hæfnisþáttum og 37 færniþáttum sem eru undirstaða PCC-vottunar. Mikið er um verklegar æfingar þar sem nemendum gefst tækifæri til að læra að innleiða nýja og áhrifaríkari nálgun í hlutverki markþjálfans. Nemendum er einnig kennt hvernig þeir geta nýtt betur hið órjúfanlega jafnvægi á milli stuðnings og áskorunar markþjálfans til að stuðla að hámarksárangri sinna markþega.

EFTIR FYRSTU LOTU HAFA NEMENDUR:

• Fengið heildaryfirsýn yfir námið og sett sér persónuleg markmið varðandi þá útkomu sem þeir vilja ná fyrir námslok.
• Öðlast djúpan skilning á mikilvægi tilfinningagreindar og áhrifamætti hennar í hlutverki markþjálfa.
• Dýpri skilning á sjálfum sér og eigin tilfinningagreind.
• Fengið 20 bls. persónulega skýrslu sem inniheldur æfingar og aðferðir við að efla markvisst þá þætti tilfinningagreindar sem þarfnast mestrar athygli.
• Lært hvernig þeir geta nýtt styrkleika sína enn betur í hlutverki markþjálfa.
• Lært í hverju munurinn liggur á ACC og PCC hæfniskröfum.
• Fengið og gefið endurgjöf á samtal byggt á PCC-færniviðmiðum.
• Lært að gefa áhrifaríkari endurgjafir til markþega.
• Öðlast betri skilning á áhrifamætti samtala innan ZOUD svæðisins (Zone Of Uncomfortable Debate).
• Lært PAMF-hringrásina (e. PCDA) til að stuðla að stöðugri endurskoðun, framförum og persónulegum vexti.
• Lært muninn á teymisþjálfun og hópmarkþjálfun
• Fengið æfingu í hópmarkþjálfun (þar sem markþjálfi markþjálfar fleiri en einn í einu)
• Lært um einkenni sterkra og skilvirkra teyma. (Patrick Lencioni)
• Lært hvernig teymi þróast og þroskast – allt frá formun að skilvirkni. (Tuckmans-líkanið)
• Kynnst sínu teymi og sett með þeim sameiginleg markmið og vinnureglur. (Code of Conduct)

HEIMAVINNA MILLI LOTU 1 OG 2 

Á milli lotna vinna 3 - 4 nemendur saman í teymum þar sem þeir nýta aðferða- og hugmyndafræði markþjálfunar til að styðja hver við annan og stuðla að auknum vexti og lærdóms innan teymisins. Eins og tiltekið var hér að ofan geta nemendur reiknað með að meðaltali 3 - 4 klukkustundum í heimavinnu á viku á milli staðarlotna sem og æfingarmarkþjálfunum, lestri, verkefnavinnu, kennslumyndböndum, stöðumati o.fl. sem undirbýr þá fyrir komandi lotu.

ÖNNUR LOTA

Önnur lotan samanstendur af þremur kennsludögum - frá föstudegi fram á sunnudag - þar sem kennt er frá 8:30 til 16:30 alla dagana.

NBI-ÞJÁLFARARÉTTINDI OG 360° MARKÞJÁLFUN 

Fyrstu tvo dagana er farið djúpt í NBI-fræðin og hvernig þau nýtast markþjálfanum í að dýpka skilning sinn á því að allir eru einstakir að eðlisfari. Þannig læra nemendur hvernig þeir geta betur aðlagað nálgun sína í hlutverki markþjálfa að hverjum og einum. Ingvar Jónsson „NBI Master Trainer“ og framkvæmdastjóri Profectus hefur um árabil átt í nánu samstarfi við Kobus Neethling – stofnanda og eiganda NBI-greiningartækisins – og þróað með honum sérstakar NBI-markþjálfagreiningar.

NBI-greining eru vottaðar og ítarlega rannsakað mælitæki sem hefur verið þróað síðan 1980 og í dag eru í boði fjölmargar mismunandi NBI-greiningar bæði fyrir atvinnulífið, náms- og hjónabandsráðgjafa, ráðningafyrirtæki, skólakerfið, einstaklinga og íþróttamenn.

NBI-HUGMYNDAFRÆÐIN ER GRIÐARSTAÐUR UMBURÐARLYNDIS 

Hér er mynd af tveimur einstaklingum (A og B) með afar ólíkar niðurstöður úr NBI-greiningu (andstæð hugsnið). Þeir hafa ólíka sýn á heiminn, ólíkt gildismat og verulegar líkur eru á að samskipti þeirra einkennist oft af spennu og misskilningi - svo ólíkt er hugarfar þeirra.

En þegar þeir læra að þekkja betur hugsnið hvors annars eykur það skilning þeirra, umburðarlyndi og möguleika á að hvor um sig fái svigrúm til að „vera þeir sjálfir“ án þess að ólík heimssýn þeirra leiði til pirrings eða misskilnings.

Þetta er aðeins eitt lítið dæmi um hvernig skilningur okkar á NBI-hugmyndafræðunum geta nýst í samskiptum. Þessi fræði eru afar verðmæt í hlutverki markþjálfans þar sem hann lærir fljótt að lesa í hinar óyrtu vísbendingar og bæði innsæi hans verður sterkara og hlustun hans dýpri. 

Í framhaldsnáminu öðlast nemendur NBI-þjálfararéttindi og geta að námi loknu boðið upp á og selt tæplega 20 mismunandi NBI-greiningar og túlkað niðurstöður þeirra fyrir sína viðskiptavini og markþega.

Eftir lotuna þegar nemendur hafa skilað inn og staðist lokaverkefni fá þeir fullgild NBI-þjálfara réttindi og heimild til að selja, vinna með og túlka NBI-greiningar. Þeir fá persónulegan aðgang að NBI-kerfinu og sitt heimasvæði þar sem þeir geta úthlutað og haft umsjón með greiningum sinna markþega og annarra viðskiptavina.

Þriðji dagur lotunnar er helgaður því að undirbúa nemendur og teymin með ítarlegum og fjölbreyttum hætti fyrir lokaverkefnið sem lýst er hér að neðan.

EFTIR AÐRA LOTU HAFA NEMENDUR:

• Lært dýpri og áhrifameiri speglun sem byggir á NBI-hugmyndafræðinni.
• Aukið færni sína til að aðlaga nálgun sína í markþjálfun betur að persónuleika markþegans.
• Lært að nýta 360° nálgun í markþjálfun sér og markþegum sínum til aukins vaxtar.
• Lært með enn dýpri og áhrifaríkari hætti að bera virðingu fyrir því að allir sjá heiminn með sínum hætti.
• Lært hvernig hægt er að finna og lesa í hinar hljóðu vísbendingar um hvernig fólk hugsar.
• Aukið fagmennsku og trúverðugleika í starfi sínu sem 360° markþjálfar.
• Öðlast möguleika á að auka tekjur og „vöruúrval“ sitt með NBI^®-þjálfara réttindum.
• Fengið sína eigin NBI^®-stjórnsíðu á netinu fyrir sína viðskiptavini þar sem þeir geta sent út og unnið með greiningar.
• Fengið NBI^®-þjálfara pakka sem inniheldur PowerPoint kynningar (á íslensku og ensku), myndbönd, rannsóknir, bæklinga og kynningarefni til að auðvelda þeim markaðssetningu og innleiðingu á NBI®-greiningum í hlutverk sitt og þjónustu.
• Lært um þau lykilatriði sem eru einkennandi fyrir áhrifaríkar vinnustofur.
• Lært að búa til kynningar með „Storyboard“ aðferðafræðinni.
• Lært að nýta styrkleka hvers og eins í teyminu til að auka skilvirkni og árangur teymisins. 

LOKAVERKEFNI Á MILLI LOTU 2 OG 3 

Lokaverkefni er unnið í teymum þar sem fléttað er saman þeim lykilþáttum sem búið er að fara yfir í náminu í þeim tilgangi að vera með vinnustofu fyrir lítið fyrirtæki, deild innan fyrirtækis eða félagasamtök. Um raunverkefni er að ræða þar sem hvert teymi greinir þarfir hópsins, leggur fram tillögu til samþykktar, skipuleggur, undirbýr og sér um framkvæmd á 4 klst. vinnustofu með 10 - 15 þátttakendum. Allt sem snýr að lokaverkefninu tengist hæfnisþáttum markþjálfunar með beinum hætti. Eins og Sir John Whitmore – einn af frumkvöðlum markþjálfunar sagði:

„Markþjálfun er að opna á möguleika mannsins til að hámarka eigin getu. Hún gengur út á að hjálpa fólki að læra í stað þess að kenna því“.

Þar liggur lykillinn að góðri vinnustofu – að nýta hugmyndafræði markþjálfunar og hópmarkþjálfun til að hjálpa þátttakendum að læra. Í verkefninu eiga nemendur að nýta efnistökin í náminu, NBI-fræðin og hugmyndafræði markþjálfunar til að efla þekkingu og færni þátttakenda vinnustofunnar í þeim tilgangi að til dæmis:

• Efla samskipti
• Styrkja teymisvitund
• Auka starfgleði og helgun í starfi
• Auka umburðarlyndi
• Skýra framtíðarsýn
• o.s.frv.

Í upphafi funda nemendur með forsvarsmanni hópsins og framkvæma þarfagreiningu sem leiðir í ljós hvernig nemendur geta nýtt þekkingu sína og það efni sem þeir hafa fengið til að mæta þörfum hópsins – hver væri besta útkoma vinnustofunnar.

Eftir vinnustofuna fá nemendur endurgjöf frá hópnum sem hjálpar þeim að læra hvernig þeir geta notast við hugmyndafræði markþjálfunar til að stuðla að stöðugum endurbótum og gera gott enn betra. Í síðustu lotunni kynna teymin verkefni sín og niðurstöður fyrir samnemendum og kennurum ásamt því að skila inn skýrslu sem inniheldur m.a. framvindu, lykilniðurstöður ásamt tillögum til endurbóta.

ÞRIÐJA LOTA

Þriðja lotan samanstendur af tveimur kennsludögum - frá laugardegi fram á sunnudag - þar sem kennt er frá 8:30 til 16:30 báða dagana.

KYNNINGAR OG UMBÓTAFUNDUR 

Fyrri dagur þriðju lotu samanstendur af tveimur ólíkum þáttum sem skarast þó talsvert. Fyrir hádegi eru kynningar nemenda á lokaverkefnum sínum sem er fylgt ertir með umræðum um þann lærdóm sem nemendur tóku með sér úr verkefnunum. Að því loknu læra nemendur hvernig á að halda umbótafund og hvernig hægt er að nýta hópmarkþjálfun til að stýra honum með markvissum hætti. Í framhaldi af því stýra teymin umbótafundi með öðru teymi.

Á lokadegi námsins verður byrjað í allsherjar yfirferð og upprifjun. Að henni lokinni vinna nemendur verkefni undir leiðsögn þar sem þeir skerpa á framtíðarsýn sinni og skoða þá möguleika og tækifæri sem bíða þeirra að námi loknu – hvernig þeir geta nýtt það sem þeir hafa lært til að taka ábyrgð á því sem þeir vilja að framtíðin beri í skauti sér.

Síðustu lotuna gista nemendur á Hótel Kríunesi þar sem þeim gefst tækifæri á að fagna saman þeim árangri og vexti sem þeir hafa náð saman í náminu.  

VOTTUNARSTIG ICF

NÁNARI UPPLÝSINGAR UM VOTTUNARSTIG ICF 

Námið undirbýr nemendur markvisst fyrir bæði fyrsta og annað stig ICF-vottunar.

Þeir fræðsluaðilar sem hafa uppfyllt ströng skilyrði ICF um nám sem er vottað á stigi 2 (Level 2), hafa þar með einnig staðist kröfur ICF til að meta og votta færni nemenda sinna við námslok. Þegar nemandi hefur staðist það færnimat hefur hann einnig uppfyllt allar kröfur ICF sem þarf til að sækja um bæði ACC- og PCC-vottun - allt eftir því hversu mikla reynslu nemandi hefur öðlast á þeim tímapunkti (fjöldi klst. sem hann hefur markþjálfað).

• Til að geta sótt um ACC-vottun verða nemendur að hafa 100 klst. reynslu í að markþjálfa. Þar af verða þeir að hafa fengið greitt fyrir 75% af þeim tímum. 
  Til að geta sótt um PCC-vottun verða nemendur að hafa 100 klst. reynslu í að markþjálfa.

Nemendur sem koma í námið eru flestir að undirbúa sig fyrir fyrsta vottunarstig (ACC-vottun). En nemendur þurfa ekki að bæta við sig frekara námi eftir að hafa lokið framhaldsnáminu til að mega sækja um næsta vottunarstig (PCC- vottun) heldur eingöngu ljúka þeim 500 markþjálfatímum sem þarf til að mega sækja um það vottunarstig þegar þar að kemur.

AUKIN EFTIRSPURN EFTIR VOTTUÐUM MARKÞJÁLFUM 

EFTIRSPURN EFTIR VOTTUÐUM MARKÞJÁLFUM ER STÖÐUGT AÐ AUKAST 

Eftirspurn eftir ICF-vottuðum markþjálfum hefur verið að aukast bæði á einstaklings- og fyrirtækjamarkaði. Fyrirtæki eru að bjóða starfsfólki sínu upp á markþjálfun í mun meira mæli en áður og þar vegur ICF-vottun þyngst. ICF-vottun markþjálfa er í raun eina gæðavottunin sem hefur öðlast almenna viðurkenningu hér á landi og hana er eingöngu hægt að öðlast erfir að hafa lokið ICF-vottuðu námi.

Rannsóknir hafa einnig varpað ljósi á að þeir sem kaupa þjónustu markþjálfa vilja gjarna meiri áskoranir og festu sem endurspeglast í uppbyggingu námsins.
Því hafa markþjálfanámin okkar bæði staðist kröfur og væntingar markaðarins og fyrrverandi nemenda síðustu 10 ár.

Í könnun sem við gerðum fyrir 3 árum sögðust 99,2% nemenda að þeir myndu mæla með markþjálfanámi okkar við aðra.