Sigraðu sjálfan þig - aftur og aftur!

Vörulýsing

Sigraðu sjálfan þig - aftur og aftur!

Þriggja vikna áskorun fyrir venjulegt fólk sem vill meira

SIGRAÐU SJÁLFAN ÞIG – AFTUR OG AFTUR! er verulega endurbætt útgáfa af Sigraðu sjálfan þig sem kom út 2018 og hefur verið uppseld síðan 2019. Þetta er einstök bók sem getur liðsinnt öllum þeim sem hafa hug á að brjótast úr fari vanans, stefna hærra og sækja lengra – hvort heldur er í starfi eða einkalífi. Bókin er byggð á hugmyndafræði markþjálfunar og unnið er markvisst með fjölmörg verkfæri sem auðvelda lesandanum að ná markmiðum sínum og sigra sjálfan sig.

Höfundur: Ingvar Jónsson

Höfundur bókarinnar, Ingvar Jónsson, er stjórnunar- og markaðsfræðingur og PCC-markþjálfi sem hefur unnið með þúsundum einstaklinga að því að ná markmiðum sínum, bæði hér heima og erlendis. Ingvar hefur skrifað nokkrar bækur sem gefnar hafa verið út á Íslandi og víðar. Árið 2020 var hann valinn einn af 101 áhrifaríkustu markþjálfum heims.

Hvað finnst þeim?

Ingvar hefur þann einstaka hæfileika að setja fram á auðskiljanlegan, raunsæjan og skemmtilegan máta hvernig við mannfólkið getum leyft okkur að taka stjórnina á eigin lífi og blómstrað til fulls. Oft er það nefnilega þannig að okkar helsti ótti er að uppgötva hversu megnug við erum.

Dr. Margrét Jónsdóttir Njarðvík, rektor Háskólans á Bifröst

Sigraðu sjálfan þig er stórkostleg umgjörð og leiðarvísir – vel skipulagt verkfæri á vegferð þinni til velsældar og hamingju. Lesir þú og nýtir þér þann boðskap og þekkingu sem Ingvar hefur af kostgæfni einfaldað og útfært í þessari bók er árangur þinn tryggður.

Guðni Gunnarsson, stofnandi Rope Yoga

Sigraðu sjálfan þig er frábær bók. Ég hef aldrei séð efnið sett í svona flott samhengi eins og hér. Ingvar þekkir veikleika sem við öll höfum og talar við mann á einlægan og persónulegan hátt þannig að stundum hugsaði ég: „Hvernig vissi hann þetta um mig?“

Heimir Hallgrímsson, tannlæknir og knattspyrnuþjálfari